Нуркачко одделение на посебните единици на МВР  од денес се вклучи во  потрагата  по   исчезантиот охриѓанец Љ.Т: соопштија од охридската полиција.СВР-Охрид презема и други оперативни мерки за негово пронаоѓање.

Заплашени од најавите дека денес во Охрид ќе дува силен ветар,сопственицитена големите бродови ги префрлија своите пловни објекти во каналот Студенчишта.До овој момент  на охридското подрачје нема "ниту капка ветар",но бродарите им веруваат на метеоролозите.

 Последниот прес на ОК на ВМРО ДПМНЕ ја повторува истата теза кога се работи за работата на градоначалникот Александар Петрески, овојпат конрадикторни на самите себе. Кога се повикуваат на одговорноста, ги потсетуваме дека токму градоначалникот Петрески, упорно изминатиов период во најкритичните моменти ја повикуваше централната власт сериозно да се зафати со работа и да му помогне на Охрид и охриѓани. Дотогаш, локалната самоуправа и  нејзините служби и јавни претпријатија, самостојно се справуваа со природната стихија, а централните власти убедуваа дека нема опасност. Додека не им случи Луково,се вели на почетокот од реакцијата од локалната самоуправа.

. Со цел да се акумулира што повеќе вода во езерото како хидроенергетски потенцијал, но и поради состојбите со поплавите во Албанија, ЕЛЕМ неоправдано го држеше високо нивото на езерото од месец Септември до месец Јануари. Сега ни се случува нивото на езерото да се зголемува односно дотекот на водите е поголем од истекот преку реката  Црн Дрим.  Последиците од таквото лошо менаџирање со езерото, како хидроакумулација, се очигледни и може да се видат на секој чекор,истакна на денешнаат прес конференција советникот Владо Цветкоски.

 Засега  немаме одлука  за евакуција на населението.Ја следиме ситуацијата,ги следиме водотеците,акумулациите,а граѓаните благовремено ќе бидат информирани за секоја мерка што ќе биде преземено.Доколку донесеме таква одлука ќе ги кажеме сите детали,изјави денес во Охрид министерот за транспорт и врски Миле Јанакиевски.

Градоначалникот на Охрид со својата дружина заминува на одмор две недели во топлата Австралија и тоа во време кога целата влада со сите свои служби  и капацитети  му помага на градот  да ги надмине состојбите со временските неприлики.Сетоа тоа се случува кога градоначалникот вели  дека на градот му се случува катастрофа поради која го повика и бугарскиот премиер и кога јавноста ја убедуваше дека Езерото тече во реките.изјави  на денешнаат прес конференција новиот локален лидер на ВМРО-ДПМНЕ Атанаско Михаилов.

Снег и студен ветер синоќа го зафатија Охрид.По полноќ снегот стивна,но завладеаа ниски температури.Градските улици се проодни,но и на нив има мала снежна покривка.Метеоролозите за денес најавуваат нови врнежи од снег,што не е добра вест кога станува збор за водостојот на Охридското Езеро.